Popular Bible Verses from 2 Korintus 9

Share

Makuasa Puang Allataala llokkon sininna barakka'-Na, ammituli nnampuii to sininna apa miparallui. Na ia ke susii joo, sadiamo kamu' mpugauk mangrupa-rupa kameloan, ntulung tokakurangan.

Ia to tau pada la mangpangben situru' canning atinna. Danggi' naturu'i nuku-nuku ba'tu naparukuri, sanga iara napakamoja' Puang Allataala to tomacanning atinna mangpangben.

Ingaranni tee! Ia to tonnamboh ci'di' banne, ci'di' toora assele'na la natarima. Na ia to tonnamboh buda banne, buda too assele'na la natarima.

Puang Allataala mpasadianni banne to tomangngamboh sola kande la nakande. Susimi joo napasadian kamu' apa to miparalluinna, nabarakka'i to pangpabenganmi anna mangngassele' melo. La napabarakka'i kamu' to sininna apa miparallui, ammituli mangpangben situru' canning atimmi. Na ia ke kitawa-tawanni to-Yudea to pangpabenganmi, buda tau la mangkurru sumanga' lako Puang Allataala.

La mangkurru sumanga'ki' lako Puang Allataala sanga pangpabengan-Na to te'da susinna!