Popular Bible Verses from 1 Tesalonika 4

Share

Mangkai joo too, kita' to tuopa diangka'miki' sola joo tomangka dipatuo pole' mentama saleu' tasitammu Puang Isa jao langi', antatorro tarruh sola.

Ia ke mellaomi Puang Isa jao mai suruga disa'ding to gamaranna puanggawana malaeka' gaja tonggo na dipannoni too to tarompe'-Na Puang Allataala. Iamo joo menjaji tanda na ia to tomatappa' lako Almaseh to jolomo lako la dipatuo jolo'.

Na iara nakadoangngi Puang Allataala kumua mituo susi to sipato'na tau mesan-Na, nadanggi' manggauk sala. Parallu la mipahang kamu' to muane umbo mikua mpugaukki lako balimmi to sipato'na, to napumasannangna Puang Allataala sola tolino.

Takatappa'i kumua mangka mate to Puang Isa apa tuo pole'i. Iamo joo la takatappa'i too kumua la napatuo pole' todai Puang Allataala to sininna tomatappa' to jolomo lako, anna tuo sola Puang Isa.

Pengkulle-kulleii ammituo rapa', nadanggi' miurusu'i to jamanna tolaen. Angahhi to kaparalluanmi susi to mangka kipangparentan lako kamu' jolona.

Te'da napileiki' Puang Allataala kumua la mangpanggaukan salaki', apa iara nabenki' Roh Allataala dikua antapugaukki to napusannang-Na. Ia to tocia' ntarimai tee pangngajah tangngia tolino nakacia', apa Puang Allataalara.