Popular Bible Verses from 1 Korintus 3

Share

Ee, tomala'bihku' sola ngasan! Manassa miissen kumua kamu'mo bola-Na Puang Allataala, sanga torromi to Roh Allataala lan kalemi.

Nasaba' te'da cara laen menjaji umma'-Na Puang Allataala, saliwanna matappa' lako Almaseh. Jaji, Puang Isa Almasehra to pangrante to mangka napasadia Puang Allataala, te'da pangrante laen.

Jaji, ia to tomantanan sola tomangbolloh te'da na ia kaminang parallu. Apa Puang Allataalara to kaminang parallu, nasaba' Ia mpatuoi.

Ia tee kami', tompangjaman Puang Allataala. Na ia to kamu' butung kamu' bara'bah-Na iarika bola-Na Puang Allataala.

Ia to jamanna tau pada la pajanni ke ratu pole'mi Almaseh la rra'tah kara-karana tolino, nasaba' ia joo wattu api la pada mpamanassai to jamanna.

Pada torroanna to tomantanan na tomangbolloh. Pada-pada tooi ntarima assele'na situru' jamanna.

Danggi' lalo naden tau nnuraga kalena. Ianna den tau lan tangnga-tangngami ssanga kalena paissen situru' kapaissenan tolinona, la'biran ke mbangosanni kalena jolo', nawa'ding menjaji topaissen situru' Puang.