Popular Bible Verses from Romans 5

Share

Akngey-kenh-angkwarr ingwer-antey ament arrpemarl. Akngey ingkerrenhek ilkelheyel, awank-antey, anwantherr apatemel anew-anenh, apmwangkwarr alhenh-angkwarr Christ ingkerrenhek katy ilwek anwekantherr ingkerrenhek apmwangkwarr anenh-rnemek.

Anwantherr ywarn mpwelhey-angenh arrangkw. Akngeyel Itnweng Rlwart impen anwekantherr-warl thwenek. Ikwer-penh iterl-areyel-anem, Akngey anwekantherr ilkelheyel.

Ingwer-rnemel anwenhantherr ilpertiletyek arrkernelheyel. Rernem irrwerneyel. Anwantherr mpwelheyel inkwerelhemel Akngey ikwerant, anwantherr rlterrk anayntem. Akngeyel anwenhantherr rlterrkilem.

Anwantherr Jesus renh tnakenty, anwantherr Akngey-angkwarr arraty aneman. Akngeyel anwenhantherr atnyenem Jesus Christ-angkwarr, Ingkart anwekantherrenh. Anwantherr mwerrant-arey ingkerrenh aneyew. Anwantherr inkwerelhemel mpwelheyel Akngey ikwer, rarl anwekantherr iwerr mpwarek. Ra apey-alpeyenh rlterrk ilkwakert apmer mwerr-angker-warl akngeynetyek.

Anwantherr apmwangkwarr alhenharl, anwantherr apatemel anenh, Akngey iterl-arey-angenh. Jesus katy ilwek apmwernem ingkerrenhek, anwenhantherr itethiletyek, arlta arraty anyent ikwerel-antey.

Jesus-kenh arrkngel anwenhantherr irrarlkemel arratyilek, anwantherr arraty Akngey-kenh-angkwarr aneman. Akngeyel anwenhantherr nthakenh atwey-angenh.

Artwa arrwekeleny anyent Akngeyek awelhey-angenh. Alakenh-angkwarr rernem apmwangkwarr alhenh. Artwa ingwer Akngeyek awelhenh. Ra iwerr mpwarek ingkerrenhek. Alakenh-angkwarr, ingwer-rnem arratyirreynem mwerr-warl-athek.

Anwantherr Akngeyek inkwerelhetyek, rarl Ingkart Jesus Christ thwenek, ingkerrenh Akngey-angkwarr pweytilek, anwantherr ikwerenh-rnem anetyek.