Popular Bible Verses from Matthew 3

Share

Arrantherr innga angkepirretyek apmwekety, ingkerrenhel arrenhantherr aretyek.

Ingkerrenhel awek alker irrwerl-theyarl angkek, “Nhanyem alerey atyenh, ayengan ikwer inkwerelheyel.”

John-el Jesus renh baptise-emelek-anem. Kwaty-they tyerrelhenhey-alpek-anem kwenpay-anem amentant atherrirrekarl ra arek. Itnweng Rlwart ikwer-warl apetyek irrwerl-they, thip pwelker-apeny.

“Atha arrwekel arrenhantherr kwatyelant baptise-emelem, arrantherr apmwekety ipmelhetyek. Artwa ingweran atyeng-they rlterrk inngan apetyem, ingkern-theyarl. Ayeng rlterrk-wenyarl, warrkenh apmwamwamarl, ran Atyetyart inngarl. Ra Itnweng Rlwart arrerney-angker.

Artwa apmwernem arwerl apmwarl arternemel, rwewarl iwem-apeny. Alakenh-apeny arrenhantherr iwekerr, arrantherr arraty-angkwarr apentey-angenh-they.”

John rey-antey arlkeyel angkakert, Angkakert Isaiah-kenh pip arrwekel aynteyel: “Angkakert ra arlkeyel apmer arlpawel. Iwerr arraty-angkwarrant ingkerrenhel apenterl-ayntetyek!”