Popular Bible Verses from Matthew 16

Share

Jesus-el kwertengerl ikwerenh-rnem ilek, “Arlka menty anthelhem atyeng-angkwarr apenterl-ayntetyek, amentewarl alhey-angenh. Ingwerenty apek iteth anetyek ilkelhenty, ra atyeng-angkwarr apenterl-ayntetyek, ikwer-rnem-angkwarr iterrey-angenh.

Peter rlterrkarl ngan. Apwert rlterrk-itwel warl artelhem-apeny, Peter rlterrk arrpemarl. Atyenh-rnemel rlterrk-angkwarr apenterl-ayntetyek ngkweng-angkwarrant. Arrentyel renh-rnem nthakenh ywerrelhiley-angenh.” Alakenh-anyem Jesus-el renh itnewek, itnan apwertarl, Peter renh.

“Atha ngenh mwerr-angkwarr arraty rnkerneyel, apmwa ingkerrenh-they iwetyek. Ntwa apmwa ingwer-they iwenty Akngey-kenh-angkwarr, kel. Akngeyel artwa renh areyel mwerr-anem, arraty-anem. Ntwa apek ingwer-they apmwa iwey-angenh, Akngeyel renh areyel arrangkwarl, apmwakert-anteyarl.”

Nga amentewarl alhenty, ngap ilweman. Nga atyeng-angkwarr apententy, ngap iteth aneman.

Nga ahern-arenyekant iterrenty, ngap amentewarl irrem, ywerrem-anem.

Ra renh-rnem ayernek, “Ilek arrantherr atyeng angkerreyel?” Simon Peter-el renh ilek, “Nga Christ-arl, Akngey-kenh alerikwarl.”

Jesus-el renh ilek, “Simon, Jonah-kenh alerikw, Akngeyel ngenh arntarnt-areyel innga! Ahern-arenyel ngenh akalty-anthey-angenh. Akngey atyenh irrwerl-areny anyentelant ngenh akalty-anthekan, ntwa ayenh iterl-arayntetyek!