Popular Bible Verses from Matthew 10

Share

“Kel-anem alhenherr-arey, mwanty-antey. Arrantherran anik ahelengkw-weny, yep-yep-rnemarl anik aneyel-apeny. Ingwer-rnem ahelengkw arengk artnwer-apenyarl. Arrantherr mwanty-antey arnwarnelhemel mwerrant-arey aney-alhenherr-arey, ikwer-rnem-itwel ahelengkw-weny, thip rwelyarr anikarl aneyel-apeny.

Arrantherr amentewarl-anem alhenty, arrantherrap ywerrem-anem, intem iteth aney-angenh. Arrantherr arlka menty anthelhenty, arrantherrap Akngey-angkwarr iteth intem aneman.”

Ingwer-rnem-kety aterirrey-angenh. Rernem arlkant ngenh atwem, itnweng atwetyek arrangkwarl. Ahern-areny-kety aterirrey-angenh. Arrantherr Akngeyekant iterrerl-ayntetyek, rantarl arlkethen itnweng-then ywerrelhiley-angker.

Arrantherr arlka menty anthelhem, ayenhant arrantherr apenterl-ayntetyek.

“Arrantherr ilelhenty ingwer-rnemek arrantherr atyenh-rnem aneyel, arlta ingkernel athap Akngey irrwerl-areny ilem, arrantherr kwertengerl atyenh-rnem aneyel. Arrantherr atyengety arlkarirrenty, arlta ingkernel athap Akngey irrwerl-areny ilem, arrantherr atyenh-wenyarl.”

Arntety-rnem mwerriletyek, arrewaly-rnem itethiletyek, tywen-rnem ywerrelhiletyek arntety-rnem-they, arrenty-rnem irrentetyek. Akngeyel ilek-ilek arrekantherr kel anthek. Arrantherr ngkweltyekant iterrey-angenh, arrantherr ingkerrenh ingwer-rnem mwerriletyek arwa.

Rarl thip nyengk-rnem arntarnt-areyel-apeny, rap arrenhantherr mwantyel arntarnt-arem arrpemarl.”

“Arrantherr atyeng iterreyel, ayeng apetyek ahern nhenh-warl, ingkerrenh arternpiletyek-arrpantey. Arrangkwarl! Akngerr ilterrerl-aneyenh arnerant-arey atyeng-they.