Popular Bible Verses from Luke 2

Share

Tawen Bethlehem-itwew, atyetyart David-arl anenh-itwew, ampa akely ngwamp atnyenew. Ran apmwa irrarlkey-angker, itnan Christ. Renharl Akngeyel ilew, rarl ahern nhenh-warl thweneyew, ranap atyetyart ingkerrenhew aneyenh. Nhanyem ran, Akngeyarl angkew, ra ahern nhenh-warl thweneyew.

Antyerl ikwer-rnem angkew, “Atererrey-angenh! Ayengan apetyew, angka mwerr-angker ileyew. Angka nhenhel arrenhantherrenh ingkerrenh irrngerney-antheyenh.

“Arrantherr ingkerrenhel Akngey irrwerl-areny mwerr-angker ilenh-arey! Akngeyan inkwerelhem arrewantherr. Mwerr-angkwarr aneyel-rnem rernem arlka mwerr-anem aneyenh!”

Rap ilkwerrew, arraty-angkwarr-anem akalty-anem ra anenh. Akngeyan ikwer inkwerelhew, ingwer-rnem-then ikwer ilkelhew.

Atharl arrewantherr lwewarrernem, ampa akely renh areyew. Arrantherr alhenty Bethlehem-warl, ampa akely renh wak pwelek-wenh-itwew arey-alhenh-arey. Ra ataperrel aynteyel pantyel ampwal atherrkew-arelh-itwew, pwelek-rnemarl wanteyelew-arelh-itwew.” Alakenh-anyem antyerlan yep-yepew-artey-rnemew angkew.

Ankwarengel artwa yep-yepew-artey-rnem Bethlehem arrerenty anenh. Rerneman apmelerrel-ayeth yep-yep-rnem arntarnt-arenh. Antyerl Ingkart-wenhan aremerrey-alhew, rtney-alhew ikwer-rnem-itwew. Ranap rlterrk Ingkart-wenh-akert, rap ingkenyel-apeny arrtyernew. Yep-yepew-artey-rneman atererrew ikwer-wety.