Popular Bible Verses from John 19

Share

Jesus-el wayn akely rag-el arrkernek. Rap angkek, “Atha warrk atyenh ywerrelhilek.” Akapwert kwenirreynek, ilwemel-anem.

Jesus akalty-anem, rarl Ingkart-kenh warrk ingkerrenh ywerrelhilek-anem. Ikwer-penh ra ilelhek, “Ayeng angkethakw.” Angka arrwekel pip-itwek ayntenh. Angka arraty innganem irrek.

Jesus-el amikw ikwerenh arek, kwertengerl anyent-then, irrkaty rantey ra ikwer aleth artewentyel ilkelhenh. Jesus angkek amikw ikwerenh-warl, “Artwa yanh ntwa ampaty akem.” Jesus angkek kwertengerl ikwer, “Ntwa arelh yanh amey akem.” Ikwer-penh kwertengerl ra Jesus-kenh amikw atnwenheynek warl ikwerenh-warl, renh arntarnt-arey-alpetyek.

Rernem Jesus-warl apetyek, rernemap renh arey-alhek, ra kel ilwekarl. Rernem ngkwern akey-angenh-antey. Artwa ahelengkw anyentel Jesus ngkerraly irrtyartel atanthek. Arrkngethen kwaty-then ikwer-they thelelhek.

Pip arrwekelenyel alakenh-anyem aynteyel: “Ngkwern akelhey-angenh arrangkw. Ingwer-rnemel renh atantheyenh.” Alakenh angka arraty innganem irrek.

Irlkentyel rernem Jesus renh Pilate-kenh warl-they akngek. Arwerl iylpeyl-atherr rernem Jesus anpeth-warl tywenek, ra akngeynerl-ayntetyek. Rernem Jesus renh atnwenhek apwert-warl, itnan “Akapwert Ngkwern Akarnng”. Jew-rnemel apmer itnewek Golgotha.

Rernem arwerl alekw-penh ampwal akapwertek-arelh mpwarek. Rernem alekw-penh arrernek Jesus ikwer-warl akapwert-warl. Arnkwa rnter-rnter arlpenty-warl-anem rernem Jesus renh akwernek atyetyart ilkwekenh-arrpantey.