Popular Bible Verses from Exodus 11

Share

INGKARTel Moses arrwekel-antey ilek, “Atha Pharaoh Egypt-areny-rnem-then anyent-inger-antey atweyenh. Ikwer-penh ra arrenhantherrenh tyarlewem, arrantherr Egypt-they alhetyek. Pharaoh-el arrenhantherr ingkerrenh irrentem Egypt-they.

Ayeng ampererr-ayntem Egypt ikwer-itwek, atha aler awey arrekantherrenh-rnem arrwekeleny-rnem ingkerrenh atwem. Atha alerengkw ngkwenh awey arrwekeleny atwem. Atha arelh warrkenh-rnem-kenh ampikw awey arrwekeleny-rnem atwem arrpemarl. Atha pwelek irrwey arrwekeleny-rnem atwem arrpemarl. Ikwer-penhan Egypt-arenyel-rnem artewentyel artnem alerikw ikwer-rnem-kenhek. Artewentyel innga nhepenh rernem artnem. Rernem angkerrem alakenh, “Anwantherr awank alakenh artney-angenh. Ingwer-inger anwantherr alakenh artney-angenh.” Rernem iterrek, “Aleyant anwantherr intem-antey artnalhelhirrenh.” Aleyan arrangkw-anemarl, intem-antey artnalhelhirrey-angenh ikwer-apeny.

Ikwer-penh INGKART angkek Moses-warl, “Pharaoh ngkweng awelhey-angenh-antey. Atha renh arwengkilek, ayeng arawerrng rlterrk-akert aremirretyek Egypt-itwek, ingkerrenhel ayenh iterl-aretyek.”