Popular Bible Verses from 1 Samuel 28

Share

Rarl Philistia-areny-rnem arew, rap atererremel artewentyel apatew. Akngerr inngarl renh-rnem arew, ywarn-anemap iterrewan. INGKART ra ayernew. INGKARTel renh tyerney-angenh. Altyerr-angkwarr, artwa angkakert-angkwarr-then ra tyerney-angenh, arrangkw. Apwert artwa ingkart-wenh impen renharl iwew impalkert, ra iynwanyerr apek aytneyew, INGKART renh lwewarrerney-angenh, arrangkw.

Saul angkew artwa ikwerenh-rnemew, “Arelh ngangker-akertew nthwenh-arey. Atha Samuel ayerneyew ikwer-angkwarr. Ra apek ayenh tyerneyew.” Rernem ikwer angkew, “Anyentan aneyel apmer Endor-itwew.” Rap arnkwa ingwer-warl-anem aylpew, ingwerelhelemel. Ingwel-antey ra alhew artwa atherr-akert, arelh ikwer nthweyew. Ra renh arey-alhew, rap angkew, “Aweyaw-rnemew katy angka atyeng! Artwa anyent ipma atha itnewem. Ina atyeng!”