Popular Bible Verses from ŊWED MBON ROME 14

Share

Koro Ubɔŋ Abasi idige edidia ŋkpɔ ye ediŋwɔŋ ŋkpɔ, edi edi edinen ido ye emem ye idaresit emi odude ke Edisana Spirit. Owo eke asaŋade ke oruk usuŋ emi anam ŋkpɔ ɔnɔ Christ, eneŋere enem Abasi esit, onyuŋ okut itoro ke ubɔk owo.

Koro edieke nnyin idude uwem, ke idu inɔ Ɔbɔŋ; onyuŋ edieke ikpade, ke ikpa inɔ Ɔbɔŋ; ye idude du ndien, ye inyuŋ ikpade kpa nnyin inyene Ɔbɔŋ.

Mmɔdo ndien eyak nnyin ibine ido eke enamde emem odu, ye ido eke nnyin ikemede ndida nnam kiet eken ɔkɔri ke uwem Abasi. Ekubiat ubɔk-utom Abasi ke ntak udia.

Eyak nnyin ikukpe ikpe inɔ kiet eken aba. Edi ekam ebiere ntem, ete owo okunim ŋkpɔ iduɔ ke iso eyen-ete, okunyuŋ esin eyen-ete ɔduɔ.

Koro ewet ete, Jehovah ete, Ma uwem Mi, kpukpru edɔŋ eyetɔŋɔ enɔ Mi, Kpukpru edeme eyenyuŋ enɔ Abasi itoro. Mmɔdo ndien kpukpru nnyin kiet kiet iyebuk mbuk ibaŋa idem nnyin inɔ Abasi.

EDARA owo eke minyeneke ɔkpɔsɔŋ mbuɔtidem, edi ekuneni ebaŋa mme mfaŋa esit esie.

Afo edi anie emi ekpede ikpe ye owo ete eŋwen? Enye oro ɔsɔŋɔde ada, enye ada ɔnɔ ete esiemɔ; enye onyuŋ ɔduɔde, ɔduɔ ɔnɔ ete esiemɔ. Edi enye eyenyuŋ ɔsɔŋɔ ada, koro Ɔbɔŋ ekemede ndinam enye ɔsɔŋɔ ada.