Popular Bible Verses from ŊWED MBON ROME 1

Share

Koro but inamke mi ye gospel; koro enye edide odudu Abasi, emi ɔwɔrɔde erinyaŋa ɔnɔ kpukpru owo eke ebuɔtde idem; ɔnɔ mme Jew ke akpa-itie, onyuŋ ɔnɔ mme Greek.

Koro do ke edinen ido eke Abasi ayarare, eke ɔtɔŋɔde ke mbuɔtidem: nte ewetde ete, Edinen owo edida mbuɔtidem odu uwem.

Koro tɔŋɔ ekebot ererimbot owo etim ekut ndibe-ndibe ŋkpɔ emi enyenede Enye, kpa nsinsi odudu Esie ye idaha Esie nte Abasi; eda mme ŋkpɔ emi Enye akanamde etim efiɔk; man mmɔ ekunyene ŋkpɔ nditiŋ nnyaŋa idem

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

sia mmɔ ekpuhɔde akpanikɔ Abasi ebɔ nsu, enyuŋ ekponode se ebotde, enyuŋ enamde ŋkpɔ enɔ enye, etre ndikpono Enye emi edide Andibot, emi enyenede itoro ke nsinsi. Amen.

Koro iyaresit Abasi oto eke heaven ayarade adian kpukpuru unana uteŋe Abasi ye ukwaŋido owo, emi edade ukwaŋido ebiɔŋɔ akpanikɔ

Ke ntak emi Abasi ada mmɔ ayak ɔnɔ ndek-ndek udɔŋ; koro iban mmɔ ekpɔŋ se ekebotde mmɔ enɔ ekabare enam se mikobotke mmɔ inɔ; kpa ntre ŋko ke iren-owo ekpɔŋ se ekebotde iban enɔ, ekabare efiop ke idiɔk udɔŋ ye kiet eken, irenowo enam se midotke ye irenowo, enyuŋ ebɔ ke idem mmɔ utip eke odotde ndudue mmɔ. Ndien sia mmɔ esinde ndinyene Abasi ke ifiɔk mmɔ, Abasi ada mmɔ ayak ɔnɔ obukpo esit ndinam mme ido eke midotke

Mmɔ ete mme imɔ idi mme enyene-ibuot owo, edi mmɔ ekabare ndisime; mmɔ ekpuhɔre ubɔŋ Abasi emi odude uwem ke nsinsi, esin ke mbiet idem owo eke enyenede ndikpa, ye ke mbiet inuen, ye eke unam ukot inaŋ, ye se inyɔnide.