Popular Bible Verses from REVELATION 16

Share

(Bo kaij g Jiosh alidag, “Ab g wo ni-kaiham. Bant masma s-aꞌagi wo jiwia mo g s-chu ehskam. T wo s-ap e tahtkkad hegam mat wo s-nenenashanik. T wabshaba hegam mat pi hab wo masmak wo si e elidad hab sha masma mo an wabsh s-dahpkam oiopo.”)

Tki amjed g chuhdpokam anghil am iawua hegai mo wasibch heg eda ge akimel mo hab chehgig Euphrates. Tki gaksh ihda mat ab gahi wo i huhud g kokownal ab siꞌal wecho amjed.

Idam waik gewpkdag atki am hihi ha wui g kokownal an wehsko jewed dahm mat ab wo i ha hemapai. Kutki idam kokownal wo ha cheggia g Jiosh hemajkamga.

Niki hahawa ep neid g waik pi kehg gewpkdag. K idam hab mahs mo g babad ch d jijawul ch ab i wuwha ha-chihchini amjed g Nehbig Hujud ch g s-ta Ehbidamakam ch g s-chu Iattomkam Haꞌichu i Tashogiddam ch hab wua g s-hasig haꞌichu.

T eda idam pi gam hu s-ohhod g pi ap e-chegitoi. Jiosh o ha hiwgid mat wo e shoꞌigch. K heg hekaj ab si s-koꞌokam has ahg ch pi ab hu has elid g gewkdaj.

Tki g wehpegkam anghil am him k am iawua an dahm g jewed hegai mo wasibch e-hoas-haꞌa ch ed. Kutki g si s-koꞌok ch s-ta ehbidama hihiwdag ha ai hegam mo ab ha ab hab chuꞌig g s-ta Ehbidamakam cheposig ch idam mat i shul ab wui g wepogidaj.

Tki amjed hegam waik gewpkdag am ha uꞌapa g kokownal amai mo g Tutuligo hab aꞌaga Armageddon.