Popular Bible Verses from EPHESIANS 5

Share

Ab o si t‑tatchua g Jiosh. Kutt am oidch hab wo t‑junihid nach pi d aꞌaligaj. Christ o am hab junihim g e‑ohg Jiosh tatchui ch ab si t‑tatchua ch am t‑wehhejed e muhkid. Kutt ahchim hab waꞌap ab aigo wo si tatchuad ch ab aꞌai wo si t‑tatchuad.

Am g wo si s‑e nenꞌoidk mamt has masma wo himchudad g e‑doakdag ch pi hab wo masmak mam d wabsh pi haꞌichu aꞌamichuddam. Geꞌej o g pi apꞌekam hemu. K wabshaba g Jiosh ab t‑mahkch g apꞌedag matt hab wo junihid g s‑apꞌekam. Am g s‑ap wo hekaj g e‑apꞌedag.

Pi g wo nawkkad namt pi heg hekaj wo padch g e‑doakag mamt pi wo e doꞌibia. Am g wehs wo i e dagitokchid Hekia S‑apꞌekam Gewkdag wui. T heg an wo em‑uꞌukchid ch ab wo em‑mahkchid g si geꞌe s‑ap tahhadkam. Kumt hab ab aꞌai wo i e gewkemhunad ch ab wo ihmad g Jiosh g heki hu mihshmda nenꞌeikaj ch wechij mihshmda nenꞌei ch chum hekid ab wo hoꞌigeꞌidad g Jiosh t‑ohg wehs haꞌichukaj am chehchegch g t‑kownalig Jesus Christ.

Jiosh o am em‑wui tashogid g e‑tatchui. Am g wo si i aꞌamichud k wo s‑mai mo haschu wud.

Ahpim chechoj amt hab masma ab wo si ha tatchuad g e‑hohonig mo g Christ ab si t‑tatchua. Heg o haꞌas geꞌe ab si t‑tatchua mat am t‑wehhejed e dagito mamt wo mua.

Ahpim amsh hab waꞌap masma heki hu. Heg o wa wepo mam wa am s‑chuhugam k ed hihimad ch am hahawa i wuwha tonlig ch ed namt pi hahawa s‑mai g t‑kownalig Jesus Christ. Pegih, mt am wo hihimad g e‑doakag id eda s‑apꞌekam tonlig

Ab g aꞌai wo i e dagito e wui mamtp woho ab si has elid g Christ.

Ahpim uꞌuwi amt ab wo i e dagito e‑kuhkun ha wui. Id o ab d em‑wuikam nam pi d Christ wohochuddam.

K wabshaba hab waꞌap tasho mat g cheoj hemho wa ab wo si tatchuad g e‑wehm kihkam hab masma mo ab si hejel e tatchua. T g uwi ab wo si has elidad g e‑kun.

Kumt ahpim chechoj hab wa masma hab wo ha juhkchid g e‑hohonig no pi hab chuꞌig g Jiosh oꞌohana: Cheoj at am wo dagito g e‑ohg ch e‑jeꞌe k wo ha hohnt k d haha wo hemakok g e‑hohnig wehm.

Pi amt am hu wo ha wehmajk hegam mo hab junihim g pi apꞌekam. Dat wo s‑ta edam haꞌichuk mamt chum hems heg ab wo neneokad mo haschu s‑aꞌagi hab wua idam. Kumt wabshaba wo ha ahgi mo pi ap hab e junihim.