Popular Bible Verses from 1 TIMOTHY 6

Share

Am g si e gewkad wehhejed g Jiosh k wo s‑wihnam uꞌukchid g e‑wohochudadag mapt hekaj am wo i wah Jiosh kihdag ed hab masma mat g s‑melidkam hab wo e juh mat wo ha gehg. Id at hekaj ab i m‑bei g Jiosh mapt wa am si s‑kehg ah g e‑wohochudadag am muꞌi hemajkam ha kaichudk.

Nahnko mahs pi apꞌekam o ab shohshon heg amjed mat hema heg waꞌi lialkaj wo si pihk e elidad. Haꞌi at heg hekaj im hu hab i e juh ab amjed g e‑wohochudadag k oi wa muꞌi haꞌichu pi ap tahhadkam ab nako.

K wabshaba id d s‑wohokam s‑t‑kaisdag matt wo himad g s‑apꞌekam ch wo si s‑ap t‑tahtkkad, chum achs pi haꞌichu wo edgidad.

Pi ach haꞌichu shaꞌi uꞌad ch in mahsi id dahm jewed ch pi haꞌichu shaꞌi be k wo hih.

Ab g i ha chehani hegam mo d s‑kakais mat pi wo si e hahaschudad heg hekaj haꞌichu e‑eniga ch pi ab hu wo hiwgad ch wabshaba ab wo hiwgad g Jiosh. Heg o wud mo s‑baꞌama ab t‑mahk wehs haꞌichu mach haschu i hekaj s‑ap t‑tahtk.

Hegam mo s‑e kaischudamk at heg hekaj hab wo s‑junim g pi apꞌekam. T g ha‑tatchui gam hu hab wo i ha juh ab amjed g Jiosh. Kut haꞌi ep wo ha padch.

Ab g i ha chehani mat am hab wo i junihi g s‑kehg chikpan ha wehhejed hegam mo tatchua g i wehmta k pi wo chu daꞌad ch wo haꞌichu ha hoꞌidad g shoꞌigkam. Id o d woho s‑kaisdag. Bo masma heg wa wepo mo e toꞌidahim g s‑namkig haꞌichu an dahm kahchim ch ed hekaj wo si s‑ap tahtkkad chum hekid.