Popular Bible Verses from 1 PETER 3

Share

Ab g wo has elidad g t‑kownalig Jesus Christ ch chum hekid wo e nahtokchid mamt s‑ap wo ahgi mat hedai ab wo i em‑kakke mam haschu wui ab e gewpkadch. Kumt wabsh si s‑ap e taht k wabsh s‑hemajim ab wo ha ahgi. Haꞌi atp hems pi ap has wo em‑ahg k ab wo chum em‑abch g pi apꞌekam k wabshaba wo si e el mamtp chum hekid am hab wo junihid g s‑apꞌekam.

T g Jiosh wo em‑nuhkudad ch ab wo kaihamad g em‑hoꞌigeꞌidahuna. Mtp wabshaba hab wo junihid g pi apꞌekam, t g Jiosh ab em‑wui wo kehkkad. Neh, bo wa masma an oꞌohadag.

S‑ap amt ulinim d wo uꞌuwik ch wabshaba heg pi ab hu wo hiwgad mams ab wo si has masma e apꞌech. Pi at wo em‑apꞌech am Jiosh tahgio mamt has masma wo apꞌech g e‑moꞌo o an hab wo juh g si s‑namkig aꞌanilo ch sisishpakud ch eniga. Baꞌich i mamt wo s‑hemajimak ch wo s‑dodolimak. T hab wo s‑apꞌek g em‑doakag am Jiosh tahgio.

An o hab chuꞌig Jiosh heki hu oꞌohana ed: Pi g am wo pad neneokad ch pi haꞌichu wo ha iattogidad mamtp wo tatchuad mamt s‑ap e tahtk ch in d wo dodakamk ch wo s‑hehgigk. Hemho wa amt wo s‑ohhod g pi apꞌekam k am hab wo junihid g s‑apꞌekam ch am wo i e nako mamt wo s‑ap e tahtkkad ab wehs ha wui.

Wehsijj amt ab wo i e hemakochud k ab aꞌai wo si i e tatchuad ch wo s‑e hoꞌigeꞌidad ch ab wo i e shoꞌigch aꞌai e wui. Pi g am wo e agwua g pi apꞌekamkaj k pi ab hu wo i nodagi g pi kehg neꞌoki. Ab o t‑ab matt ab wabsh wo i s‑ha hoꞌigeꞌel. T g Jiosh ab epai wo i s‑t‑hoꞌigeꞌel nat pi heg hekaj ab i t‑wai.

K pi hab chum mahs mas hedai wo s‑koꞌokam em‑juh mamt am wo si e nakogad mamt am hab wo junihid g s‑apꞌekam.

Hemho wa amt wo s‑ohhod g pi apꞌekam k am hab wo junihid g s‑apꞌekam ch am wo i e nako mamt wo s‑ap e tahtkkad ab wehs ha wui.

S‑apꞌe o matt wo t‑shoꞌigch am hab junihidch g s‑apꞌekam matp d wo Jiosh tatchuik. K wabshaba d si edadag mattp am hab wo junihid g pi apꞌekam ch hekaj wo t‑shoꞌigch.