Popular Bible Verses from 1 JOHN 3

Share

Ab att wo ha mah g t-wepnag g i wehmtadag matp wo tatchua k pi hab wabsh wo kaijjid mach si pihk t-elid ha hekaj. Pegih, si ach pihk t-elid ha hekaj g t-wepnag.

Jiosh alidag at ab muh kots t ab t-wehhejed no pi t-hekaj si pihk e elid. Id o hekaj tasho mo haschu d pihk elidadag. Kutt wo si pihk t-elidad ha hekaj g t-wepnag am hugkam matt chum hems wo t-muhkid am ha wehhejed.

Jiosh at hab t-juh mach d hahawa aꞌaligaj no pi si pihk e elid ab t-wui. Hegam mo pi mahch g Jiosh alidag o pi mahch mach ahchim hab waꞌap d Jiosh aꞌaliga.

Matp hedai hab wo junihid g pi apꞌekam ch d wo Jiawul pionagk nat pi hab wo junihid g tatchuij g Jiawul. Jiawul o hab junihim g pi apꞌekam ged hu i si wehpeg amjed. T ia jiwia g Jiosh alidag jewed dahm mat wo hugio g Jiawul chikpan.

Pi att am hu hab wo junihid g pi apꞌekam ahchim mach d aꞌaligaj g Jiosh nach pi edgid g wechij doakag.

Pi o shaꞌi pihk e elid ab Jiosh wui hegai mat hedai haꞌichu wo s-edgidad ch pi heg hekaj ab hu wo i wehmt g e-wehnag.

Mach hedai ab s-wohog elid g Jiosh att ab si t-hemakoj heg wehm. Jiosh at ab t-mah g Hekia S-apꞌekam Gewkdag. K id d Jiosh ch t-wehmaj. Kuch heg hekaj s-mahch mach d aꞌaligaj.

K id hekaj tasho mo hedai d aꞌaligaj g Jiosh ch hedai am oid g Jiawul. Pi o d shaꞌi aꞌaligaj g Jiosh hegam mat hedai pi hab wo junihid g s-apꞌekam ch pi ab hu wo pihk e elidad ab ha wui hegam mo d chum ha-wepnag.

Ihda mani em-ahgid o d hegai mam kaichug ged hu i amjed mamt wehpeg kah. Ab g wo si pihk e elidad aꞌai e wui.

Pi g wo shaꞌi e totodsid mat hems g hemajkam hab wa masma wo s-em-kehꞌidad.