Popular Bible Verses from REVELESEN 6

Share

Hika nomo tagai na osi gwiagwiara katukwale mo tu. A tangaloi hi mo kwalao luna a hinana “A Mateana,” vunu a tangaloi kairuaki vake mo toko huria takuni a hinana “A Tanotano na Tanungwe na Tangaloi rau Mate.” I God u bete huirana lakwararua kwara raru ne taritarisa raru ne vai matematei na tangaloi lo varamana kina bue na vuro, kina gwakere, kina lengeana, vake kina boboroa ovi doluaki lo varamana. Hokinia a varamana a ngwahuku kaivati vae ranaru vai letiuki na tangaloi savia lo ngwahuku katukwale tiura hi kaivati.

Hika nomo taga hi a osi mavute mo tu. A tangaloi hi mo kwalao luna u hagovi na vuhu, vake i God u bete a kaikwokwori na gwatu lakwai huri mo gui na nona vuro. U kwalao tivarea hoki na tangaloi u gui na vuro ba, mo vano kwara ne gui na nona vuro taliku.

Vunu a Sivsivi Kelekele hini mo kakwoti na bulu hi kailimaki. Vae nomo taga vaki tavuti na voda, nomo tagahagwe na tanungwe na tangaloi aira hi rau kwohi matemateira ba huri rau tuku heretuvaki na leo noi God, vake rau karohuri luna, rau viti kwara a leo hi u kareaki.

Hikani ramo toko kwaha karakara, ramo viti “Hugwe i God. I nigo ku hugwe koro na kinau doluaki kina nomu huirana, i nigo ku kokona ku kareaki. ?Kona hugu rovonaki kihokua kwara konari areki savi na tangaloi na varamana kona vai kadira huri ramo kwohi matemateikami?” I God u bete lugwaga a lugwa lotu vatavatahakinira. Vunu mo kwaha maira, mo viti “Tulu hatu vai ba, tulu mabu kelekele vae tarisaki hi a valuvalumiu ne taritarisa, huri a tangaloi eia rau hugu radu nga aira hi rau boloki harago maikamu, i ratuamiu maira, vae a tangaloi rana kwohi matemateira hokinia hi ramo kwohi matemateikamu tomua.”

A osi dolua vake mote ngwalua u memea hoki na kabukara. A tangaloi hi mo kwalao luna, i God u bete a huirana lakwae kwara ne lavi na vuro tilo varamana, doluaki na tangaloi rana toko kwohi matemateira muleki. Vae i God u bete na bue na vuro lakua lakwae.

A Rani Lakua huri na nogaru lologute aia hike ba. ?Vae ihe hi u vai lai kwara ne tu vovohia?”

Vunu nomo tagai na Sivsivi Kelekele hini mo kakwoti na bulu hi kaionoki. Hikani mo ruru lakua a mataniaho mo dodoka hoki na lugwa maeto hinea rau kihia kina vulu na nani, vake a vula u bohi mo kara hoki na dai. A vitu rau visoviki tina taetae vaki lo tano hoki na mago gwaro hinea a langi lakua mo here kilukiluki na rangaki ramo toko ngwangwarasuki.

Vunu a Sivsivi Kelekele hini mo kakwoti na bulu kaitoluki, nomo rongo na boboroa mauri hi kaitoluki mo viti “Mai, ko vanamai.” Hika nomo tagai na osi maeto katukwale mo tu. A tangaloi hi mo kwalao luna, u hagovi na skel katukwale lo kabana. Nomo rongo na kinau hoki na dilao u vanamai lo livuka na boboroa mauri hi kaivati. A dilao hi mo viti kwara, “A bereti* huri na rani katukwale, a manena ne taritarisa mana kaivoli na tangaloi lo rani katukwale, vunu a raesi huri na rani kaitolu a manena ne taritarisa mana kaivoli na tangaloi hi lo rani katukwale. Vae ko hatu magaraki na oel na haka hinaka mana waen.”

Vunu a taetae vake u tikei hoki na lugwa hinea a tangaloi u lulukinia, vake a vuti lalakua savira mana vanua vunuhira rau kusa tina tanotanoga. Hikani a tangaloi vunuhia, a hugwe lalakua lo varamana, a kaitagahuri na vanua maira, a kaitovo na vuro maira, a tangaloi hugwe maira, mana tangaloi lalakua, vunu a tangaloi hinea rau boloki vuroki tavuti na masi mana tangaloi hinea a noga masi tikei, doluakinira rau hili lolo malanga, vake tavuti na vatu lalakua laliki lo vuti lalakua.