Popular Bible Verses from REVELESEN 19

Share

Ta lagwalagwa ne havutikita, ta tabe hakeki na hinana, huri a taro u maravuti kwara a Sivsivi* Kelekele ne laki. I vavinehina u rarai ba.

Lo lugwa na Tangaloi hi, mana balaona, rau uli na hinana kwara “A Hugwe Lakua koro na hugwe lalakua savia, vake a Hugwe* nona hugwe savia.”

Hikani nomo tagai na taetae mo matakahi, nomo tagai na osi mavute mo tu. A Tangaloi hi mo kwalao luna a hinana “A Tangaloi Ko Domidomi Tiluna Hinea U Kareaki.” Mo kwaheki na doridori na tangaloi, mo vai vuro mana nona tavaluivuro, vae u vai lo hala hinea u bakoto kehekeheki.

A matana aia hoki na kabu sea, u huni na kaikwokwori na gwatu u rusa hoki na kaikwokwori na gwatu nona hugwe lakua. A hinana u uliana luna, vae aia vohoki u kikilai na hina hi, a tangaloi dolua hetea. A lugwana hi mo lugwakinia u mebuka doluakinia kina dai. A hina hi ramo toko kwarea kinia aia “A Leo i God.”

A Tangaloi hika, a nona bue na vuro hinea u hoko mo toko ngwalua tina kwakwana, vae ne vai vuro kinia vovohi na tangaloi vunuhi na ureure, ne guira. Aia vae ne hugwe korora, vae a kaimatai na nona huirana aia a kaitiko hinea u kihiana kina aean. Vae ne vai ne madi lakwara hoki na tangaloi hi mo bile sisineki na kwai na karo hi kwara a nubuki rana huki, rana vai a waen luga. Hika hokinia i God hinea u hago huirana lo kinau savia, u lologute haburu kinira, vae a nona lologute mo vaira.

Hikani a tangaloi na vuro nona Tangaloi hi, rau vano ramo kwiribibi na boboroa ovi mana tangaloi duruduruki kurakura hinea tuai mo toko vai na vaisea lolo nako na boboroa ovi hi. A vaisea vano hi a tangaloi duruduruki kurakura hi mo toko vaira tuai. Mo sinasina na tangaloi hinea a kaimatai na boboroa ovi hi luga, mana tangaloi vano hi ramo sovi hivo vovohi na nunu hinea ramo tai dedekinia ramo toko lai noga mavakiana lakwae. Hikani a tangaloi na vuro vano hi ramo lavi na boboroa ovi hi mana tangaloi duruduruki kurakura hi raru ahi radu nga, ramo vohokirarua tilolo kwalu na kabu hinea a vuikani* tuku sea luna.