Popular Bible Verses from REVELESEN 13

Share

A kinau hika a tangaloi vae ne lavi na lolorani na kikikila kwara ne kikilaia. Aia hi a domidomina eia ne hagwe lavi na domiana na valuvalu na boboroa, huri a valuvalu hi a kaimatai na tangaloi. A valuvalu hi aia hi, vidolua vakaiono eviki ngavu kaiono dongwaki kaiono.

A tangaloi savia hi rau toka lo varamana, vae rana sovi hivo vovohi na boboroa ovi hi rana lai noga mavakiana lakwae. Vae a tangaloi hinea a hinaga eia lo buku* na tangaloi hinea rau lavi na ahiana, aira hi kehekeheki ranahe sovi hivo te vovohi na boboroa ovi hi kwara rana lai noga mavakiana lakwae. A hinaga hi rau ulibibiana lo buku hi tuai, a varamana tikei radu nga. A buku hi a buku nona Sivsivi* Kelekele hinea rau kwohi mateia ba.

Hikani a boboroa ovi hi kairuaki mo bibiri na tangaloi savia, aira hi a tangaloi haro mana tangaloi lalakua, a tangaloi hugwe mana tangaloi kakaravi, a tangaloi hinea rau boloki vuroki tavuti na masi mana tangaloi hinea a masi he hugwe te korora, kwara rana tau na kaimatai lo matuai kabaga maia lo raega. A kaimatai hi, aia a hina na boboroa ovi hi diko a valuvalu na hina hi. Vae diko a kaimatai hi u tikei lo tangaloi, nehe voli lai te kinau, vake nehe hokaki lai te kinau.

Aira hi a tangaloi noi God hinea i God u domikinira kwara rana hugu lolo ingwa na gwarugwaru, vae kareaki a tangaloi rana kwalibibira rana taura lolo ingwa na gwarugwaru. Aira hinea i God u domikinira kwara a tangaloi rana kwohi matemateira kina bue, vae kareaki a tangaloi rana kwohi matemateira kina bue. Vae huri na leo hi i kamu hi a tangaloi noi God, tulu ne tu ne madi, tulu ne hauhuri lui God.

Hikani nomo tagai na boboroa ovi katukwale mo ngwalua tina tahi. A gwalana hangavulu, a gwatuna kaibitu. U huni na kaikwokwori na gwatu hoki na kaikwokwori na gwatu nona hugwe lakua, lo gwalana vatavatahakinira. Vunu lo gwatuna vano hi ramo uli na hina hi a leo hati vovohi God.

Hikani i God mo tiraki na boboroa ovi hi kwara ne vai vuro mana bulana tangaloi, vake kwara ne guira. Vake i God mo tirakinia kwara ne hugwe koro na tangaloi rau gwalo vanamai lo gwatuidamu vunuhia tina ureure savia, rau vanamai lo leo gwatu na rusa, aira a tangaloi mataroi.

Mo sinasina na tangaloi savia hi ramo toka lo varamana, mo sinara kina vaisea hinea i God mo tirakinia kwara ne vaira lo nako na boboroa ovi hi tomua. A boboroa ovi hi kairuaki, mo viti lakwa na tangaloi savia lo varamana kwara rana tai dedeki na boboroa ovi hi tomua hinea ramo aria kina bue, vae u ahi radu nga, kwara rana domi mavakinia. I God mo tiraki na boboroa hi kairuaki mo mabu tilolo kihidede hi ramo tai dedekinia hoki na boboroa hi tomua, kwara a kihidede hi ne ahi. A nona huirana ne eia ne kwaha vae ne viti kwara a tangaloi hinea rahe sovi hivo tea vovohia kwara rana lai noga mavakiana lakwae, vae rana mate.

A boboroa ovi hi nomo tagaia, aia hoki na busi lakua hi a levat. A garuna hoki na garu na boboroa lakua hi u kwareki a bea. Vake a kwakwana aia hoki na kwakwa na laeon. Hikani a alkita lakua hi mo bete na nona huirana mana hagehagelena lakwa na boboroa ovi hi, mo rivukia kwara ne vai karekareaki na kinau.

Hikani i God mo tiraki na boboroa ovi hi kwara ne kwaha karikaria, ne kwahakwaha hati vovohi God. Vake i God mo tirakinia kwara ne hugwe koro na tangaloi a vula ngavu kaivati dongwaki kairua.

Hikani nomo tagai na boboroa ovi hi a gwatuna katukwale rau aria kwara ne mate kinia. Vae a kovina hi mo mavo. A tangaloi savia lo varamana rau idila haburu, ramo huri na boboroa hi.

Hikani nomo tagai na boboroa ovi katukwale vake mo ngwalua tina tano. A gwalana kairua hoki na sivsivi kelekele, vake u kwaha hoki na alkita lakua. U lavi na huirana doluaki nona boboroa ovi hi tomua, mo boloki kinia lo nakona. Mo bibiri na tangaloi doluakinira hinea rau toka lo varamana kwara rana sovi hivo vovohi na boboroa ovi hi tomua, rana lai noga mavakiana lakwae. A boboroa hi, aia hinea ramo aria vae a kovina mo mavo taliku,.