Popular Bible Verses from VILIVAE 2

Share

He karea te kwara katukwale tikamu ne vai na kinau tea kwara ne tabe hakekinia sibona diko ne domidomia luna. Vae tulu hivokikamu, i kamu vunu, tulu ne domi huri na tangaloi dolua kwara aira rau karea siletikamu. Tulu hatu domi hurikamu kehekeheki lo kinau hinea tulu lengaia sibomiu, vae tulu domi huri a havakinau hinea a tangaloi dolua rau lengaia.

A domidomimiu ne hoki na domidomi i Jisas Kraes.

Tuai lo tinatinakakiki aia hoki i God vohoki. Vae he madimadi te haburu luna kwara ne taritarisa mai God. Aia sibona mo tiraki na kinau vano hi mo mulemai hoki na tangaloi boloki vohoki. Mo vora tilo varamana mo mulemai hoki na tangaloi. Mo lavi na bohiana nona tangaloi, vae mo hivokinia kwara ne rongohuri God rovonaki mo mate. Ramo duletakinia lo kaibetu vunu mo mate.

huri i God u boloki tigwaravu lumiu. Ne vaikamu tulu ne masinge kwara tulu ne rongohuria, vake ne bete na huirana lakwakamu kwara tulu ne vai lai a havakinau hinea mo domiki.

Huri na kinau hi, i God mo rakatia tina mateana mo tabe hakekinia vaki lo tanotano aulu karakara, mo bete na hina lakwae hinea u lakua karakara sileti na hina doluaki. Vae a tangaloi savia lolo taetae, maira hinea lo varamana, maira hinea lo tanotano na tangaloi hinea rau mate, rana sovi hivo rana vai mavaki na hina i Jisas. Vae aira vunu rana matangwasaraki kwara i Jisas Kraes aia a noga Hugwe*, vae rana tabe hakeki na hina i God a Tamaki.

Lo hava bolokiana tulu mo vai, tulu hatu vai ruturutu luga, tulu hatu viroro mulekikamu luga. Hokinia tulu ne ngwasara, a tangaloi ranahe hagwe lavi na hatiki te lumiu. Tulu ne kwareki raranatu i God hinea tulu bakoto vohoki. Vunu tulu ne betebete rongohi na leo na ahiana lakwa na tangaloi na hatiki hinea a gwatuga rau madi, rau tuku vai doridori rahe karea tea lo kinau savia. Vae tulu ne kwaka lolo livukaga hoki na vitu mo vavarama vakahaki na mahaleki. Diko tulu ne vai kwehini, vunu lo Rani noi Kraes, vae na domidomiau maikamu, huri tulu vosangi tivarea kwara i nau nahe kwalao te haro vuroki, diko nahe boloki te haro vuroki.

Rabelagu. Lolona hinea i nau maikamu, i kamu tulu rongohuriau tigwaravu, vae u karea karakara kwara tulu ne rongohuriau lo taro hika i nau nu vakahao tikamu. Tulu boloki, tulu seseaka luna kina matakuta mana huiruruana lo nako i God, kwara tulu ne gweregwerei na boloki hinea i God u vai kwara ne vakahikikamu