Popular Bible Verses from GALESIA 3

Share

A tangaroa hati u eno luda kwara tana mate kinia huri tau vakasile lo Tangwata. Vae i Kraes* u kasatukuhikita tiua ba, huri a tangaroa hati hi kwara ne va eno luda, vae va eno luna. A Uliuli Kokona u viti kwara, “A tangaloi hinea rau duletakinia lo vikai, hi a tangaroa hati noi God u eno luna.”

Hikani a kinau tikei kwara ne vaikamu tulu ne makwahe. Tulu he doludolua te tikamu kwara tuaki tikamu a gwaloana noi Isrel*, ratuaki a tangaloi tavalavarea, vake diko tuaki a tangaloi hinea rau boloki vuroki tavuti na masi, ratuaki a noga masi tikei, vunu vake diko tuaki a ngwera, ratuaki a ravavine. I kamu vunu tulu hariki lui Jisas Kraes, vae huri hi i kamu vunu a tangaloi katukwale.

Vae diko i kamu a tangaloi noi Kraes, vunu tulu kwareki a gwaloana lui Evraham, vae tulu ne lai savi na kinau hinea i God mo tuliki lakwa na gwaloana lui Evraham.

Vae hika a tangaloi tavalavarea tina gwaloana noi Isrel i God ne vai tabetabekinira lalahi Jisas Kraes hokinia mo vai tabetabeki Evraham tuai. I kita tau hauhuri lui Kraes, vae huri hi tana lai lavi na Tanungwe hinea i God u tulikinia ba kwara ne bete lakwakita.

Hikani u matangwasara kwara hete tangaloi kwara ne bakoto lo nako i God kina Tangwata, huri a Uliuli Kokona u viti kwara, “A tangaloi hinea u mulemai kina tangaloi bakoto lo nako i God huri u hauhuri, vae aia ne ahi.”