Popular Bible Verses from APOKALUPESI 14

Share

Go a dogo nadaleo sikai waina e m̃elu nakoroatelagi umai, e naga, P̃a midiri, Tea mate maga waina eu mate doko Nawota eu maropa pae ragi waia pa pa: ioro, Naatana e noa e, naga euga maromaro m̃elu dua ki nawosimawosaana adeada maga; nalakena nawosiana adeada maga eu do dausi ra.

Nasokiana ni tea tautau maga e doko nea, tea maga waina eu do pavaigoro natip̃akiana maga ki Sup̃e, go nasaralomauana ni Yesu.

go e noa ki nadaleo warua sikai, e naga, Kuga matauki Sup̃e, po dua e nasamasamaana; nalakena aura ni navasap̃otaeana aneana e po umai: go kuga lotu ki tea waina e mari nakoroatelagi go maramana go natasi go namata ni noai maga.

Go agelo p̃ota sikai, ketolu sikai, e dausi ra, e noa ki nadaleo warua sikai, e naga, Te naata sikai e pe lotu ki nalo mila go nasup̃e kakana, po dape wotu sikai doko naraena kite doko nam̃elearuna, nae ma ega wo munu waine seara ni namaritausuana ki Sup̃e, waina e pei tea marim̃atakiana po da pei tea marisarisariana mau doko lasa munu ni namaetoana aneana; go ega wo pei tea mariana ega wo pitinu ki nakapu go sulfur namata ni agelo tautau maga, go namata ni Arnio: go naasua ni navitinuana adeada e do sake pa pa e du du po du mau du; go eu dika namaromaroana aleati go p̃ogi, tea maga waina eu lotu ki nalo mila go nasup̃e kakana, go te naata waina e dape wotu ni nagisana.

Go a punusi, go kuga leo, Arnio e lawodu tava Sion, go manu p̃onotia sikai go manu rualima pati go manu pati eu lawodu sikoti a, eu pilake nagisana, go nagisa ni Tamana, ero pei tea midiriana doko naraeda.

Go a punusi agelo p̃ota sikai, e diri m̃aleoputo ni nakoroatelagi, e peani narogorogoana wia waina e du mau du naga ega rogorogo ki nia paki tea maga waina eu doko maramana, go paki sara nalauna go sara naworawora go sara namena go sara narei

Go tea p̃ota sika, agelo kerua sikai, e dausi a, e naga, E dowo, e dowo, Babelon warua, waina e mari nalauna maga mamau puti eu munu waine seara ni namaritausuana ni namaripeleana aneana.