Popular Bible Verses from NUMBERS 20

Share

Go Yehovah e noa ki Moses go ki Aaron, e naga, Nalakena koro da saralomau au mau, naga koroga mari au aga tapu namata ni Israel natuna maga, nalakena tea wanogoe koroga wo da piragi nasaisaiana waia umai paki navanua waina a dua ra asa mau.

P̃a vuati tiko, po piragi saisai ki nasaisaiana, nimu ma taim̃a Aaron, go p̃a vasa paki vatu laketoko kivea ki namatada maga, naga ega vitua ki noai kakana; go p̃a madeada mari noai ega m̃elu vatu laketoko wanogoe: dapala nogoe p̃a wo dua nasaisaiana go katel adeada noai naga euga munu.

Go Moses e sike nam̃elearuna, po paka rua p̃okati vatu laketoko ki tiko aneana: go noai e m̃elu vatu laketoko umai, go nasaisaiana eu munu, nara ma katel adeada maga.

Go Moses go Aaron ero piragi saisai ki nasaisaiana kivea ki vatu laketoko, go e noa ki da, e naga, Kuga taki dorogo, nimu tea mari p̃auluulu maga; aroga manimu mari noai ega m̃elu vatu laketoko waia, kite?