Popular Bible Verses from NUMBERS 16

Share

Ma Yehovah e pe mari naleo vau sikai, po mari natano e pe maga po dinomi puti ra, go sara naleo adeada maga, go eu pe siwo pulemauri paki Sheol pano; ku pe wo atae naga naatam̃oli maga waia eu midoaki p̃alo ki Yehovah. Go e pakilina, ragi waina e pasa sua ki navasaana maga wanogoe, naga natano waina eu lawodu asa, e pamawota: Go natano e maga, po dinomi puti ra, nara ma tea ni nasum̃a adeada maga, go naatam̃oli maga mamau puti waina eu pei agi Korah, go sara naleo adeada maga.

Go Korah, natu ni Ishar, natu ni Kohath, natu ni Levi, nara ma Dathan go Abiram, Eliab natuna maga, go On, natu ni Peleth, Reuben natuna maga, eu piragi naatam̃oli maga: Go eu duleana narae ni Moses, nara ma Israel natuna maga seara kakada, tea maraki p̃onotia dua rualima takuna lima ni nasaisaiana, tea matadoaana maga m̃elu nasaisaiana, naatam̃oli rogoana maga