Popular Bible Verses from MARKO 10

Share

Nalakena naatam̃oli Natuna e da umai naga euga maneana suasua mau, ma e umai naga ega madeada suasua, go naga ega vitua ki namauriana aneana ega vei naulu ni natauluaana oli tea laapa.

Yesu e leo punusi ra po naga, Naatam̃oli maga eu mari sap̃ona, ma Sup̃e e mari atae a: nalakena Sup̃e e mari atae mari naleo maga mamau puti.

Go Yesu e noa ki nia, e naga, P̃a vano; nasaralomauana anigo e po mari pauri ko. Go e moro leo sai m̃araverave, po dausi a napua.

Nalakena tea wanogoe tea waina Sup̃e e pilasai ki nia, naatam̃oli ega ta mari a ega vamawota mau.

Go Yesu e leo punusi a po dodomi a, go e noa ki nia, e naga, Tea sikai ku dika asa: p̃a vano, p̃a sori tea maga waina ku peani ra, po dua tea tika maga, go p̃a wo peani naloriki tauakiana nakoroatelagi: go p̃a umai, p̃a rausi au.

Go Yesu e pasa dara e, po naga, Ku masauna naga aga manigo mari nasava? Go tea kesa wanogoe e noa ki nia, e naga, Rabboni, naga aga moro leo sai.

Ma e da dapala nogoe m̃aleoputo kakamu mau: ma naata waina e pe masauna naga ega vei tea warua ni m̃aleoputo kakamu, e pe wo pei tea suasua animu

Lomau a noa ki mu, naga, Naata waina e da dape namarakiana ki Sup̃e dakiusi piakiki kiki mau, ega wo da sili paki asa mau.

Ma tea laapa waina eu pea euga wo edaku; go tea edaku euga wo pea.

Ma pae naatulakeana ni natawonakiana, E mari ra ero pei naanoai go nagoroi. Nalakena tea wanogoe naatam̃oli sikai ega toropusi tamana go p̃ilana eroga madoko, go ega vuluti anagoroi: go nara dua eroga wo pei nap̃okasi sikai maau: nalakena tea wanogoe ero da moro pei edua mau, ma ero pei nap̃okasi sikai maau.