Popular Bible Verses from MATAIO 8

Share

Go e noa ki da, e naga, Ekasana ku mataku, tea saralomau kiki maga? Ragi wanogoe e duleana, po pasa kasua ki nalagi maga go natasi; go e dam̃ate p̃arua.

Go senturio e pasadara po naga, Nawota, a da p̃ia mau naga p̃a umai paki ekopu ni nasum̃a aginau: ma p̃a vasa navasaana sikai ega sikina, go natureai aginau ega wo pei tea maripauriana.

Go ragi waina Yesu e dogo e, e maga, po noa ki tea maga waina eu dausi a, E naga, Lomau a noa ki mu, naga A da pap̃ai nasaralomauana warua dapalana, a da pap̃ai a Israel mau.

Go Yesu e noa ki senturio, e naga, P̃a vano; ega manigo pei tea mariana ega tapala waina ku saralomau. Go natureai aneana e pei tea maripauriana aura wanogoe.

Go naatam̃oli maga wanogoe eu maga, po naga, Naatam̃oli dapale sava sei, waina nalagi go natasi ero dogo parati ki nia?