Popular Bible Verses from MATAIO 19

Share

Go Yesu e leo punusi ra po noa ki da, e naga, Pae naatam̃oli maga tea wanogoe e da pei tea mariataeana mau; ma pae Sup̃e naleo maga mamau puti eu pei tea mariataeana.

Nalakena tea wanogoe ero da moro pei edua mau, ma ero pei nap̃okasi sikai maau. Nalakena tea wanogoe tea waina Sup̃e e pilasai ki nia, naatam̃oli ega ta mari a ega vamawota mau.

Go e pasadara po naga, Ku da peve mau, naga tea waina e mari ra pae naatulakeana pa pa e mari ra ero pei naanoai go nagoroi, po naga, Nalakena tea wanogoe naatam̃oli sikai ega toropusi tamana go p̃ilana eroga madoko, go ega vuluti anagoroi; go nara dua eroga wo pei nap̃okasi sikai maau?

Ma Yesu e naga, Kuga suasua ki piakirikiri kiki maga naga euga umai punusi au, go kuga ta dip̃agoro ra mau: nalakena namarakiana ni nakoroatelagi e pei tea ni tea tapalada maga.

Ma tea vea laapa euga wo edaku; go tea edaku laapa euga wo pea.

Go sara naata waina eu doropusi nasum̃a maga, kite taida maga, kite goreda maga, kite tamada, kite p̃ilada, kite natuda maga, kite vanua maga, nalakena nagisagu, euga wo dape paka p̃onotia sikai, go euga wo peani namauriana waina ega wo du mau du.

Yesu e noa ki nia e naga, Ku pe masauna naga p̃a wia lua, p̃a vano, p̃a sori naleo maga waina ku peani ra, go p̃a tua tea tika maga asa, go p̃a wo peani naleo tauakiana nakoroatelagi: go p̃a umai, p̃a rausi au.

Go e noa ki nia, e naga, Ekasana ku pusuusu paki nau nalo ni tea waina e p̃ia? Sikai e doko waina e p̃ia: ma ku pe masauna naga p̃a sili paki namauriana, p̃a rogo paratiki natip̃akiana maga.

Go a moro noa ki mu, naga E manainai ki kamel sikai naga ega sili darave malo masai ni tea tuturi sikai, ma e kasua ki naatam̃oli sogolapa sikai naga ega sili paki namarakiana ki Sup̃e.

Go a noa ki mu, naga Naata waina e pe tip̃aki lua anagoroi, namaripeleana e pe ta pei nalakena mau, go waina e pe tawiri tea p̃ota sikai, e maripele: go tea waina e dawiri tea waina e pei tea tip̃akiluaana e maripele.

Go Yesu e noa ki tea vasapiseikiana aneana maga, e naga, Lomau a noa ki mu, naga E kasua ki naatam̃oli sogolapa sikai naga ega sili paki namarakiana ni nakoroatelagi.