Popular Bible Verses from EKSODAS 8

Share

Go tea midiri tapu maga eu mari dapala nogoe ki nakikita adeada maga naga euga mari kutu maga euga vakilina, ma eu mari sap̃ona: go kutu maga eu doko naatam̃oli, go nalo tuavati maga. Go tea midiri tapu maga eu noa ki Faraoh, eu naga, Tea waia e pei nakini ni Sup̃e: go nap̃op̃o ni Faraoh e kasua, go e da dogo parati ki da mau; dakiusi waina Yehovah e noa e.

Go Yehovah e noa ki Moses, e naga, P̃a vaki ekopu punusi Faraoh, po noa ki nia, p̃a naga, Yehovah e noa dapala waia, e naga, P̃a suasua ki narei aginau naga euga vano, naga euga maginau suasua.

Ma ragi waina Faraoh e punusi naga ragi namaromaroana e doko, e dum̃ana mari nap̃op̃ona e madaga, po da dogo parati ki da mau; dakiusi waina Yehovah e noa e.

Go nigo ku pe karai suasua ki da naga euga vano, p̃a leo, kinau a pe wo atugi navanua mamau anigo ki frok maga

Go Yehovah e noa ki Moses, e naga, P̃a noa ki Aaron, p̃a naga, P̃a sai ki tiko anigo, po p̃okati nam̃otam̃ota ni natano, go ega wo pei kutu maga usuraki navanua mamau ni Ityipt.

Go Yehovah e mari dapala nogoe; go lago laapa sa eu rumai paki ekopu ni nasum̃a ki Faraoh, go ni nasum̃a ki tea suasua aneana maga: go navanua e pei tea marisakiana usuraki navanua mamau ni Ityipt nalakena lago maga.