Popular Bible Verses from EKSODAS 6

Share

Nalakena tea wanogoe, p̃a noa ki Israel natuna maga, p̃a naga, Kinau a pei Yehovah, go aga wo piragi lua mu m̃elu dua ki etano ni natapetapeana maga ki naka ni Ityipt, go aga wo pualua mu m̃elu dua ki nawosiana adeada, go aga wo daulua mu ki aru saikiana sikai, go ki navasap̃otaeana warua maga

Go aga wo piragi mu kuga wo pei narei aginau, go aga wo pei Sup̃e animu: go kuga wo atae naga kinau a pei Yehovah Sup̃e animu, waina a piragi lua mu m̃elu dua ki etano ni natapetapeana maga ki naka ni Ityipt.

Go aga wo piragi mu umai paki navanua, waina a sike nam̃elearugu naga aga tua Abraham, Isaak, go Yakob asa; go aga wo dua mu asa ega wo pei naveaniana animu: kinau a pei Yehovah. Go Moses e pasa dapala nogoe paki Israel natuna maga: ma eu da dogo parati ki Moses mau nalakena narogokitesaana ni nap̃op̃oda, go nalakena nawosiana kasua.

Go Yehovah e noa ki Moses, e naga, Ragi waia p̃a wo punusi tea waina aga wo mari a paki Faraoh: nalakena ega wo suasua ki da ki nam̃elearu kasua sikai naga euga vano, go ega wo kopasi lua ra ki nam̃elearu kasua sikai m̃elu dua ki navanua aneana pano.