P̃a leo, aga wo lawodu naraem̃a tokora wanana vatu laketoko waina e doko Horeb; go p̃a wokati vatu laketoko wanogoe, go noai ega wo dave m̃elu dua ki nia umai, naga narei euga munu. Go Moses e mari dapala nogoe namata ni tea matua maga ni Israel. Go e soso nagisa ni tokora wanogoe ki Massah, go ki Meribah, nalakena navululuana ki Israel natuna maga, go nalakena eu maridogo Yehovah, doko do naga, Yehovah e doko m̃aleoputo kakagida, kite e dika?