Popular Bible Verses from 1 PAKI TEA NI THESSALONIKA 5

Share

Kuga laelaea sara ragi; kuga tapasavasa ega ta makoto mau; kuga vasadodom̃ata ki nalo ni sara naleo: nalakena tea wanogoe e pei namasauana ki Sup̃e doko Kristo Yesu paki mu.

Go Sup̃e ni natam̃ateana nae ega maridautau ki mu usuraki; go naatamu go namauriana animu go nap̃atokomu euga vei tea vavaigoroana euga vei tea mamau, euga ta pei tea vasadip̃aana mau ragi ni naumaiana ki Nawota anigida Yesu Kristo. Tea waina e soso mu e pei lomau, go nae ega wo mari a.

Kuga vunusi naga te naata ega ta lagati dua te naata tea sa dip̃a tea sa mau; ma sara ragi kuga sava dausi tea waina e p̃ia, dum̃amu paki mu, go paki tea maga mamau puti.

Nalakena tea wanogoe kuga tum̃amu pasapakavakale mu, go kuga tum̃amu davagi mu sikai ega tavagi sikai, ega takiusi waina ku do mari a.

Ma au pasa paratiki mu, tai maga, kuga tapavanau tea noginogi maga, kuga vasapakavakale tea p̃op̃otoro maga, kuga silae tea manainai maga, kuga vei maritasoki‐parau paki tea maga mamau puti.

Nalakena Sup̃e e da dawona ki gida paki namaetoana mau, ma e dawona ki gida paki nataluaana ni namautipauriana pae Nawota anigida Yesu Kristo

Nalakena nimu mamau puti ku pei namarama natuna maga, go aleati natuna maga: tu da pei tea ni p̃ogi mau, go tu da pei tea ni namaligo mau