Popular Bible Verses from 1 KI PETERO 5

Share

go kuga to nadi ki namidoakiparatikiana mamau animu paki nia, nalakena e midoaki paratiki nalo kakamu.

Ma Sup̃e ni sara nasaup̃iaana, waina e soso mu doko Kristo paki nasamasamaana aneana waina e du mau du, ragi waina kuga vei tea mariana kuga vitinu sua ragi kiki, ega wo dum̃ana mari mu kuga wia lua, ega wo lawosoki mu, ega wo mari mu kuga kasua.

Kuga to midodoa p̃ia, kuga to leleogoro: tea kokona ki mu, diabolo, dapala laion waina e do uru, e do surata pasara, e do laaga tea waina ega tinomi a: waina kuga to lawodugoro e doko kasua nalo ni nasaralomauana animu, ku atae naga narogokitesaana maga sikai maau eu do pei tea marisuaana nalo ni taimu maga waina eu doko maramana.

Nalakena tea wanogoe kuga tum̃amu doro mu pakitano etano ki nam̃elearu kasua ni Sup̃e, naga ega tape mu pakilagi te ragi

Dapala nogoe, natureai maga, kuga toko etano paki tea matua maga. Go kuga mamau puti dum̃amu dasoki mu ki naveip̃op̃ovakitanoana, naga kuga tum̃amu manimu suasua: nalakena Sup̃e e dugoro tea leo madaga maga, ma e dua tea vakitano maga nasaup̃iaana.