Popular Bible Verses from 1 KI PETERO 1

Share

Sup̃e go Tama ni Nawota anigida Yesu Kristo ega vei tea vasap̃iakiana, waina dapala nadodomiana warua aneana e moro pesi gida paki naleogoroana mauri sikai pae namoroduleanaana ki Yesu Kristo m̃elu dua ki tea mate maga, paki tea veaniana sikai waina ega wo da madada mau, go waina e da pei tea mariana e loa mau, go waina ega wo da kokolo mau, waina e pei tea mautiana nakoroatelagi doko raki mu

Waina ku laelaea p̃arua asa, ma ragi kiki waia, e pe one asa one, ku pe vei tea mariana ku do susue doko namaridogoana visarasara maga, naga namaridogoana ni nasaralomauana animu, waina e p̃ia p̃arua liu kold waina e do puoli go waina e pei tea maridogoana pae nakapu vavaga, ega vei tea vap̃aiana paki nasamaniana go nasamasamaana go nadodomadaganiana ragi ni naumaipakilinaana ki Yesu Kristo

ma dapala waina tea waina e soso mu e dautau, nimu ma kuga tautau, doko sara namariana animu; nalakena e pei tea midiriana, e naga, Kuga tautau; nalakena kinau a dautau.

dapala natu ni narogoparatikiana maga, doko da dum̃amu mari mu kuga tapala namasauana sa animu maga ni sala vea mau ragi ni nasalup̃eana animu

Nalakena tea wanogoe kuga tasoki namalo ni namidodoana animu, kuga to midodoa p̃ia po do leogoro p̃ia lua raki nasaup̃iaana waina ega wo manimu pei tea tapeana umai ragi ni naumaipakilinaana ki Yesu Kristo

Nalakena, Sara nap̃okasi eu dapala nam̃enau, Go sara nasamasamaana kakana eu dapala napum̃a ni nam̃enau. Nam̃enau e kokolo, go napum̃ana e pevera: Ma navasaana ki Yehovah e doko mau doko pa pa po du mau du. Go navasaana e pei tea waia, narogorogoana wia waina e pei tea rogorogokiana paki mu.