Popular Bible Verses from 1 KI YOANE 2

Share

Kuga ta dodomi maramana mau, go kuga ta dodomi naleo maga waina eu doko maramana. Te naata e pe dodomi maramana, nadodomi‐Tamana‐ana e da doko asa mau. Nalakena sara naleo waina eu doko maramana, namasauana sa ni nap̃okasigida, go namasauana sa ni namatagida, go naleomadagaana ni nasogolapaana, eu da pei tea ni Tamana mau, ma eu pei tea ni maramana.

Go maramana e do pano puoli, go namasauana sa kakana: ma tea waina e do mari namasauana ki Sup̃e e doko po doko mau doko.

tea waina e noa naga e doko asa doko, e one naata wanogoe one naga ega surata ega takiusi waina nae e surata.

Piakirikiri aginau maga, a midiri paki mu tea maga waia, naga kuga ta mari naleo sa mau. Go te naata e pe mari naleo sa, tu peani Tea Vasakorokoro sikai sikoti Tamana, Yesu Kristo waina e leana

Tea waina e naga, A atae a, go waina e da dogo paratiki natip̃akiana aneana maga mau, e pei tea sorosoro, go nalomauana e da doko naata wanogoe mau

Go tea waia tu atae pae asa naga tu atae a, tu pe rogo paratiki natip̃akiana aneana maga tu pe atae a.

Tea waina e noa naga e doko namarama, go waina e pilosi taina, e doko namaligo doko pa pa paki ragi waia.

Sei e pei tea sorosoro, ma nae waina e pasagoro naga Yesu e pei Kristo? Nae wanogoe e pei tea kokona ki Kristo, nae waina e pasagoro Tamana go Natuna.

Sara naata waina eu pasagoro Natuna eu da peani Tamana mau; tea waina e noa sai Natuna e peani ra ma Tamana.