Popular Bible Verses from KUTOLLO 7

Share

Ka morago ga moo ka bona lešaba le legolo le go bego go se motho yo a ka kgonago go le bala. E be e le ba merafe yohle, le dikgoro tšohle, le ditšhaba tšohle, le maleme ohle ba eme pele ga setulo sa bogoši le pele ga Kwana, ba apere dipurapura tše ditšhweu, ba swere makala a mepalema ka diatla.

Ba goelela ba re: “Phološo e tšwa go Modimo wa rena yo a dutšego setulong sa bogoši, e tšwa le go Kwana!”

ka gobane Kwana ye e dutšego gare ga setulo sa bogoši e tla ba yona modiša wa bona, gomme e tla ba iša methopong ya meetse a bophelo, gomme Modimo o tla ba phumola meokgo yohle mahlong.”

“Ke ka lebaka leo ba emago mo pele ga setulo sa bogoši sa Modimo ba mo hlankela ka tempeleng ya gagwe bošego le mosegare. Yena yo a dutšego setulong sa bogoši o tla ba šireletša. Ba ka se sa tsoga ba swerwe ke tlala goba lenyora; ba ka se sa tšhungwa ke letšatši goba phišo ye nngwenyana

a re: “Le se senye lefase goba lewatle goba dihlare; a re thomeng ka go swaya bahlanka ba Modimo wa rena diphatleng.” Ka kwa gore palo ya bao ba swailwego ke ba dikete tše lekgolo le tše masome a mane le tše nne. E be e le ba dikgoro ka moka tša setšhaba sa Israele.