Popular Bible Verses from KUTOLLO 5

Share

Ba be ba opela sefela se sefsa ba re: “O lokela go tšea puku yeo le go e kgomarolla dikgomaretši. Gobane o ile wa bolawa, gomme ka madi a gago wa rekollela Modimo batho ba go tšwa dikgorong tšohle, le malemeng ohle, le ditšhabeng tšohle, le merafeng yohle

ba goelela ba re: “Kwana ye e bego e bolailwe e lokela go fiwa maatla le lehumo le bohlale le bonatla le tlhompho le letago le tumišo!”

wa ba dira mmušo wa baprista ba go hlankela Modimo wa rena, gomme ba tla buša lefaseng.”

Ka kwa le dihlolwa tšohle tša legodimong le tša lefaseng le tša ka fase ga lefase le tša ka lewatleng – a ke re diphedi ka moka tše di lego mo gohle – ka di kwa di goelela di re: “Go yo a dutšego setulong sa bogoši le go Kwana go išwe theto le tlhompho le tumišo le maatla go ya go ile!”

Fela yo mongwe wa bagolo bale a re go nna: “O se ke wa lla. Bona, Tau ya go tšwa kgorong ya Juda, e lego setlogolokhukhu sa Dafida, o fentše manaba a gagwe, gomme ke yena a kgonago go kgomarolla dikgomaretši tše di šupago tšeo le go bula puku.”