Popular Bible Verses from DIEMA 13

Share

Šika le ba bohlale, o hlalefe; mokgonanalemašilo ke moipolai.

Moitotapolelong o tla phologa, moitebalapolelong yena ke moipolai.

Yo a sa otlego morwagwe ga a mo rate; yo a ratago morwagwe o a mo kgala.

Seletelwa se se sa phethagalego se a nyamiša, senyakwa se motho a se hwetšago sona se a thabiša.

Go phetha thato ya Modimo go šireletša mohlokabosodi, bokgopo bjona bo wiša modiradibe.

Lehumo letlabonolo le nyamelela gabonolo; lehumo letlabosele lona le a ata.

Wa mereba o hlola kgakgano fela, yo bohlale yena o kwa dikeletšo.

Motho wa go loka o tlogelela ditlogolo bohwa; lefa la modiradibe lona e tla ba la moloki.

Ngwana yo bohlale o kwa kgalo ya tatagwe, mokodutli yena ga a kwe ge a kgalwa.

Moganagokgalwa o tla diila a ba a goboga, mokwatsholo yena o a hlompšha.