Popular Bible Verses from JESAYA 65

Share

E tla re pele ba thoma go rapela ka ba araba; ya re ba sa rapela ka phetha tše ba di kgopelago.

Morena o re: “Ke hlola legodimo le lefase le lefsa. Ditiragalo tše di fetilego di tla lebalelwa sa ruri.

Ba tla atlega mešomong ya bona, le bana ba bona ba ka se welwe ke dikotsi. Ke setšhaba sa ka; ke tla ba šegofatša gammogo le ditlogolo tša bona.

Motho o tla aga ntlo, a dula ka go yona – ya se dulwe ke yo mongwe; a bjala merara, a ja dikenywa tša yona – tša se lewe ke yo mongwe. Batho bao ba ka ke ba kgethilego ba tla phela nako ye telele bjalo ka mehlare. Ba tla ipshina ka tšeo ba di šometšego.

Bana ba ka se sa hwa e sa le masea, gomme batho ba tla phela go fihlela e eba diputswa. Ba ba tlago fihlela lekgolo la mengwaga ba tla tšewa gore e sa le ba bafsa. Yo a hwago pele ga moo e tla be e le gore o rogakilwe ka lebaka la dibe tša gagwe.

Phiri e tla fula le kwanyana; tau ya fula bjang bjalo ka kgomo, le noga e ka se sa loma. Sione, thabeng ya ka ye kgethwa, go ka se dirwe tše mpe goba gwa gobatšanwa.”

Le nna ka noši ke tla goa ka lethabo ka lebaka la Jerusalema ka thabela batho ba yona. Go ka se kwagale motho yo a llago goba yo a hlabago mokgoši fao.