Popular Bible Verses from JESAYA 6

Share

Ke moka ka kwa Morena a re: “Nka roma mang? Motseta wa rena e tla ba mang?” Ka fetola ka re: “Nna nka ya! Roma nna!”

Ba be ba goeletšana ba re: “Yo mokgethwa, yo mokgethwa, yo mokgethwa ke Morena Ramaatlaohle! Letago la gagwe le tletše lefase!”

Ke moka ka re: “Joo, nna ngwana wa batho! Ke lahlegile ka ge ka mehla tše ke di bolelago e le sebe, le gona ke dula le batho bao tše ba di bolelago e lego sebe; gomme bjale ke bone Kgoši, Morena Ramaatlaohle, ka mahlo a ka!”

Ka ngwaga wo Kgoši Usia a hlokafetšego ka wona ke ile ka bona Morena a dutše setulong sa bogoši se se phagamego kudu, morumo wa seaparo sa gagwe o tletše Tempele.

A nkgoma molomo ka lona a re: “Legala le le go kgwathile melomo, ka gona ga o sa na le molato, o swaretšwe dibe.”

Mo a bego a dutše gona go be go eme barongwa ba ba laumago kgabo, yo mongwe le yo mongwe wa bona a na le diphego tše di selelago. Ka tše pedi a ikhurumeditše sefahlego, ka tše pedi maoto, gomme tše dingwe tše pedi e le tša go fofa.

Ke ge yo mongwe wa barongwa bao a fofela go nna, a swere legala le a le tšerego aletareng ka sepatišo.

Ka gona a nthoma gore ke yo botša setšhaba ke re: “Go kwa le tla kwa, eupša le ka se kwešiše. Go bona le tla bona, eupša le ka se hlaologanye.”

Ya ba o re go nna: “Retetša setšhaba se dipelo, o se thibe ditsebe, o se foufatše, gore se se kgone go bona le go kwa le go kwešiša, gore ba se sokologele go nna gomme ba fodišwa.”