Popular Bible Verses from JESAYA 49

Share

Fela Morena yena o re: “Kgane mosadi a ka lebala lesea la gagwe, a se rate ngwana yo a mmelegego? Le ge eba a ka mo lebala, nna nka se tsoge ke lebetše lena, setšhaba sa ka.

Wena Jerusalema, nka se tsoge ke go lebetše! Ke ngwadile leina la gago ka diatleng tša ka. Merako ya gago ke dula ke e gopotše.

Morena o a fetola o re: “Go tlilo ba ka wona mokgwa woo. Mogale o tla amogwa lethopša la gagwe, mogateledi le yena o tla tšeelwa tše a di thopilego. Ke tla lwa le ba ba lwago le lena, le bana ba lena ka ba hlakodiša.

Morena o rile go nna: “Mohlanka wa ka, ke go beetše modiro wo mogolo. Sa gago ga se fela go tlo bušetša mašaledi a Israele nageng ya ona le go a boetša sekeng sa ona, eupša ke tla go dira seetša sa ditšhaba gore bohle ba lefaseng ba phološwe ka wena.”

Goang ka lethabo, lena magodimo! Letša mokgolokwane, wena lefase! Dithaba a di duduetše ka gobane Morena o tlilo homotša setšhaba sa gagwe; o tla se šokela ka ge se tlaišega.