Popular Bible Verses from JESAYA 30

Share

Ge le phamoga tsela le eya ka thoko efe le efe, le tla kwa lentšu ka morago ga lena le re: “Tsela ke ye. Tšeang ka yona.”

Le ge go le bjalo, Morena o letetše go tlo le gaugela. O itokišeditše go le šokela, ka gobane ka mehla o dira tše di lokilego. Ba lehlogonolo ke ba ba botilego yena!

Morena, Mong wa bohle, Modimo yo mokgethwa wa Israele, o botša setšhaba o re: “Ge le ka boela go nna gomme la ntshepha le ikhomoletše, le tla phološwa la tia.” Eupša lena le a gana.

Morena o tla le sepetša mathateng, eupša yena ka sebele o tla le ruta, a ka se sa iphihla, mme le tla mmona ka mahlo a lena.

Lena setšhaba seo Modimo wa sona a dulago Sione, lena le agilego Jerusalema, le ka se sa lla. Ruri, Morena o tla le šokela ge le mo llela; ge a le kwa o tla le araba.

Morena o boletše a re: “Ba ba bušago Juda ba lahlegile, ka gobane ba itshwere bjalo ka bana ba ba tsogelago motswadi maatla. Ba phetha maano a bona ba se ba kwana le nna, le gona ba dira kwano le dinaga tše dingwe nna ke sa rate. Ka fao ba pharelela sebe godimo ga se sengwe.