Popular Bible Verses from JESAYA 11

Share

Moya wa Morena o tla dula mo go yena, wa mo fa bohlale le kwešišo, tlhaologanyo le maatla. O tla tseba thato ya Morena, gomme a mmoifa, a kgahlwa ke go dira tše Morena a di ratago. A ka se ahlole ka tebelelo ya mahlo goba a sekiša ka go kwa pudi ya tsela

Lešika la bogoši la Dafida le swana le mohlare wo o remilwego; bjalo ka ge mahlogedi a hloga kutung goba medung, le ditlogolong tša Dafida go tla tšwa kgoši ye mpsha.

o tla ahlola bahloki ka toka, le bahlaki ka boloki. Ka taelo ya gagwe batho ba tla otlwa; ge a laela, ba babe ba tla bolawa.

O tla buša setšhaba sa gagwe ka toka le botshephegi.

Sione, thabeng ye kgethwa ya Modimo, go ka se dirwe tše mpe goba gwa gobatšanwa, ka gobane naga e tla be e tletše batho ba ba tsebago Morena bjalo ka ge lewatle le tletše meetse.

Phiri e tla dula le kwanyana, le nkwe ya robala le putšane. Namane le tawana di tla iphepa mmogo, gomme mošemanyana yo monyenyane ya ba modiša wa tšona.

Lebaka le etla leo ka lona kgoši ye mpsha ya lešika la bogoši la Dafida e tlago ba bjalo ka sefoka go ditšhaba. Ba tla mo kgobokanela, gomme mošate, ga gagwe, wa hlomphega kudu.