Popular Bible Verses from BAGALATIA 3

Share

Kriste o re lokolotše thogakong ya go tla le melao yeo ka go ba morogakwa yena mong bakeng sa rena; gobane Mangwalo a Makgethwa a re: “Go rogakwe mang le mang yo a fegilwego koteng.”

Ka gona Bajuda le baditšhaba ga ba fapane, makgoba le balokologi ga ba fapane, banna le basadi ga ba fapane; bohle le selo se tee ka go ba ba tee le Kriste Jesu.

Gomme ge le le ba Kriste ke gona ge le le ditlogolo tša Abrahama, gomme le tla fiwa tše Modimo a le holofeditšego tšona le le bajalefa ba gagwe.

Seo Kriste Jesu o se diretše gore tšhegofatšo ye Modimo a e filego Abrahama e tle e fiwe le baditšhaba ka yena, gore ka tumelo re tle re amogele Moya wo Mokgethwa wo re o holofeditšwego.

Bjale ge, go bonala gabotse gore ga go motho yo a ka lokafatšwago ke Modimo ka melao ya Moshe, gobane Mangwalo a Makgethwa a re: “Yo a lokafaditšwego ke Modimo ka tumelo o tla phela.”