Popular Bible Verses from BAEFESO 6

Share

Gobane ya rena ntwa ga se ya go lwa le batho ba nama, ke ya go lwa le meoya ye mebe ya lefaufaung, e lego magoši a semoya, le balaodi ba semoya, le babuši ba lefase le lebe le.

Tšohle tše le di dire le rapela, le kgopela Modimo gore a le thuše. Le rapele ka mehla ka mo le hlahlwago ke Moya. Ka gona, le phafoge le sa lape, le dule le rapelela badumedi bohle.

Itlhameng ka dihlabani tšohle tše Morena a le fago tšona gore le kgone go iphahlela bomenemene bja Diabolose.

Ka fao, itlhameng ka dihlabani tša Modimo, gore mohla go le gobe le kgone go iphahlela; e tle e re ge le lwele go fihla mafelelong a ntwa le ikhwetše le ba paletše.

Ntle le tšeo, tumelo e be thebe ya lena, gobane ka yona le tla kgona go tima mesebe ye e tukago ye Rabobe a le hlaselago ka yona. Le amogele phologo ye e lego mpho ya Modimo; e tla le šireletša boka kefa ya tshipi. Le amogele le molaetša wa Modimo wo le o fiwago ke Moya wo Mokgethwa; wona o tla ba bjalo ka tšhoša.

Ka gona, ebang komana madulaabapile, gomme nnete e be bjalo ka lepanta la go itlema letheka, toka e be bjalo ka sefahlo sa kgara, mafolofolo a lena a go bega Ebangedi ya khutšo e be dieta tša lena.

A ke fetše ka go re: Ikopanyeng le Morena le itiiše le ka maatla a gagwe.

“Hlompha tatago le mmago” ke molao wa mathomo wo o nago le kholofetšo ye e o tlaleletšago ka go re: “gore o tle o atlege, o phele nako ye telele mo lefaseng.”

Lena bana, le hlomphe batswadi ba lena ka ge le le ba ba dumelago go Morena, gomme seo e le se se lokilego.