Popular Bible Verses from MMOLEDI 7

Share

Se phakiše go ngongorega; go ba le metsoto ke botlaela.

Ge go iketlilwe o thabe, gomme ge go etla bothata o gopole gore boiketlo le bothata di romelwa ke Modimo. Ke ka lebaka leo motho a sa kgonego go tseba se se tlago mo hlagela.

Mathomo a selo a phalwa ke mafelelo a sona. Bopelotelele bo phala boikgogomošo.

Ruri, mo lefaseng ga go mothomoloki modiratšebolo yo a sa kego a dira sebe.

Bjalo ka ge tšhelete e šireletša motho, bohlale le bjona bo bjalo. Go tseba go na le mohola wa go re bohlale bo lota mong wa bjona.

Seriti se phala senkgabose sa theko ye kgolo, le letšatši la go hwa ga motho le phala la go tswalwa ga gagwe.

Go solwa ke mohlalefi go phala go retwa ke ditlatla.

Go ya lapeng la mahloko go phala go ya go la monyanya, ka gobane ba ba phelago ba swanetše go dula ba ikgopotša gore lehu ke mafelelo a bohle.

Wa go dula a nagana ka lethabo ke setlaela. Wa go nagana ka lehu yena ke mohlalefi.