Popular Bible Verses from MMOLEDI 1

Share

Ge o le bohlale kudu ke mo o bago le mathata a mantši; ge o tseba kudu ke gona o tlaišegago le go feta.

Tše di kilego tša hlaga di tla no hlaga gape. Tše di kilego tša dirwa di tla buša tša dirwa. Ga go na selo se sefsa lefaseng ka moka.

Dillo ka moka di a lapiša – ke tapišego ye motho a sa kgonego go e hlaloša. Mahlo a rena ga a lapišwe ke go bona; ditsebe tša rena ga di tenwe ke go kwa.

Yena o re: “Tšohle ke lefeela, lefeela la mafeela, tšohle ke lefeela. Etse motho o boelwa ke eng ge a dulela go itapiša ka go šoma mo lefaseng?

Tšohle tše di dirwago mo lefaseng ke di bone, gomme ke le botša gore ke lefeela. Di swana le go phuthela phefo ka kobo.

Moloko ge o tloga go tla wo mongwe, eupša lefase lona ga le fetoge.

Ga go motho yo a gopolago tše di kilego tša hlaga mehleng ye e fetilego, ebile ka moso ga go yo a tlago gopola tše di hlagago go tloga bjale go fihlela mehleng yeo ya ka moso.”

Ke be ke ikemišeditše go ithuta gore na tsebo le botlaela di fapana bjang, le gore bohlale le bogafi di a swana na. Eupša ka lemoga gore le seo ke go phuthela phefo ka kobo.