Modimo a fetola Solomone a re: “O kgethile gabotse. Bakeng sa go kgopela lehumo goba thoto goba tlhomphego goba lehu la manaba a gago goba le ge e le bophelo bjo botelele, o kgopetše bohlale le tsebo gore o tle o kgone go buša setšhaba sa ka, se ke go beilego kgoši ya sona. Ka gona ke tla go fa bohlale le tsebo. Gomme godimo ga tšeo ke tla go fa lehumo le thoto le tlhomphego, tše go sego kgoši ye e kilego ya ba le tšona goba ye e tlago tsoga e bile le tšona.”