Popular Bible Verses from Rom Tɩŋŋaa 16

Share

Dɩ ma nɩɩ ŋaa ŋɩɩ, Wɩa sɩ pɩ nɩaa fɩɛlɩŋ, bɩ jaŋ dieni, aŋ kɛŋ Sɩtaanɩ nyaga bil ma naasɩŋ bʋbʋɔŋ dɩ ma nʋɔsɛ. La Tɩɩna Yesu Kirisito jaŋ fá ma nenige a pɛ ma lɛ.

Mɩɩ sʋlma nɛ mɩ naambiiriŋ dɩ ma kɛŋ ma tɩtɩa arɩ nɩalɩŋ sɩ yie kɛŋ nɩaa pʋpɔrɛ lɛ a leŋ ma yiyeŋŋi wombii-la la sɩ dagɛma ma tuto lɛ. Má lɩɩsɛ ma tɩtɩa ba lɛ.

Nɩaa deemba bɩ La Tɩɩna Kirisito tɩntɩŋŋaa ka tɩŋ, ama ba tɩtɩa wʋchooloo nɛ baa ŋaa. Ba yie kɛŋ nii-sɩma a nyɩsɛ nɩalɩŋ sɩ bɩ wɩaa jɩŋ.

Má leŋ dɩ la dɛnnɛ Wɩa. Ʋ nɛ leŋe ma chɩŋ ma wʋtɩtɩɩ lɛ a tɩŋ Wɩa wʋzɔmɔ-la mɩ sɩ bʋla pɩma a tɩgɛ Yesu Kirisito lɛ. Wɩa fa joŋ wɩalɩŋ faa nɛ faafaa kala, ama lɛɛlɛ ʋ kaa kʋ lɩɩ pʋlʋmʋŋ tʋɔŋ nɛ. Wɩa leŋe ba bʋla pɩ dʋnɩa nɩaa kala nɛ dɩ ba laa wɩalɩŋ dii a tutoba. Wɩa wʋlaabʋllaa fa ŋmʋnsɛ wɩaa a tɩgɛ wɩaa deemba lɛ nɛ Wɩa teniŋ tʋɔŋ. Má leŋ la to Yesu Kirisito lɛ a dɛnnɛ Wɩa wuu. Ʋ dʋndʋŋa nɛ kɛŋ wʋjɩmɩŋ. Amɩɩ.